領養

小Pink 而家大概十個月大，正係最得意最嗲人嘅年紀。
佢性格親人乖巧，任摸任抱，唔單止唔怕人，仲好鍾意黐住你，你一行過佢就會望住你，想要抱抱😍

小Pink原本係流浪BB，好彩俾人救起。檢查嗰陣發現盤骨有少少畸形，但醫生話完全唔影響行動，日常生活同正常貓貓一模一樣。如果對小Pink感興趣，歡迎前往深水埗貓貓領養中心同佢見面呀～

大家好，我叫行行，係一個男仔嚟㗎，我已經絕咗育。
我性格貪玩又親人，成日鍾意撩你同我玩，但係都有啲小脾氣，唔鍾意嘅時候會擰歪面。

我以前係放養貓，周圍走，結果有一次意外整親，後腳斷咗一截，最後冇辦法，要截肢。而家得返三隻腳，但完全冇影響到我，我照樣可以跑跑跳跳，性格仲係咁開朗☀️

不過我身體仲有另一個問題：貓愛滋（FIV）陽性，而且抵抗力弱，成日容易咳。所以需要特別小心照顧，唔好畀我冷親😷

泡泡係一個男仔，已絕育，性格友善親人，但係慢熱，佢最大嘅興趣就係食嘢同討摸。

泡泡嘅故事，有啲坎坷。

泡泡係被救返嚟嘅流浪貓，嗰時個肚生咗個巨型腫塊，檢查完先知係真菌感染引發嘅嚴重發炎。仲要，佢係貓愛滋（FIV）陽性，免疫力比普通貓貓差，好容易冷親、病痛多。

幸運嘅係經過治療同調理，佢而家嘅身體已經好好多，精神同胃口都返晒嚟。只要繼續定時食藥，注意保暖同溫柔照顧，佢可以同普通貓貓一樣，陪你過好多個快樂年頭✨

大家好，我叫Lira，亦可以叫我華華。我溫馴乖巧，非常親人又親狗～我對人友善熱情，好嗲人，最鍾意俾人摸🥰 我又好鍾意出去戶外玩，一出去就會開心到跑跑跳跳🌞

不過呢，我對聲音比較敏感，喺籠入面聽到籠外有聲音，會容易激動吠叫。另外，我雙眼失明，睇唔到嘢；腸胃亦比較敏感，食嘢要特別小心。

如果你願意接納我呢個熱情、嗲人、但雙眼睇唔到兼腸胃敏感嘅女仔，俾我一個永遠嘅家，我會用我全部嘅愛嚟報答你㗎～有興趣領養我嘅話，歡迎前往中心向飼養員了解更多關於我嘅詳情~期待同你見面呀！💕

大家好，我叫芝麻～我係一個超級為食嘅男仔，最鍾意用舌頭 Lam 熟悉同鍾意嘅人，呢個係我表達愛嘅方式～🥰
我好親狗，同豆釘、柴柴係好朋友，我哋成日一齊玩，不知幾開心㗎！我仲好鍾意出去戶外跑跑跳跳🌞
不過呢，我比較慢熱，非常害怕陌生人，身體嘅觸碰會比較敏感，只有熟人先可以摸我。另外，我嘅眼睛有白內障，視力比較弱，所以需要一個細心嘅主人，留意我嘅活動安全，唔好俾我周圍撞到。

如果你願意接納我呢個慢熱、怕生、視力弱少少嘅男仔，俾我一個永遠嘅家，我會用我全部嘅愛嚟報答你㗎！

有興趣領養我嘅話，歡迎前往中心向飼養員了解更多關於我嘅詳情～期待同你見面呀！💕

大家好，我叫豆釘～我係一個乖巧聽話、斯文內斂嘅女

大家好，我叫稔仔～

大家好，我叫包包～我係一個活潑好動、好鍾意玩嘅男

大家好，我叫Kate～我係一個非常親人友善、活潑好動嘅女仔，好鍾意同人玩，只要有人陪我玩，我就開心到不得了㗎！我仲好嗲，最鍾意俾人摸🥰

不過呢，我對人太熱情，有時會忍唔住不停撲向人，我喺籠入面也會經常吠叫，因為我好想得到關注，想同你喺一齊多啲。
我玩得太興奮嗰陣，有時會咬人，但放心，我唔係惡意嘅，只係玩嗰種咬，不過我嘅力度有啲大，可能會整痛人。所以我需要一個有經驗嘅主人慢慢教我。

同時，我對其他狗狗唔係太客氣，會撩交嗌。

我知道自己嘅性格需要一個有耐心、有經驗、願意花時間教我嘅主人。如果你願意接納我，俾我一個永遠嘅家，歡迎前往中心向飼養員了解更多關於我嘅詳情～期待同你見面呀！💕

大家好，我係一個非常親人又親狗嘅女仔，對人對狗都溫馴友善㗎～
我好嗲，最鍾意俾人摸，你一摸我我就會開心到瞇晒眼🥰

不過呢，我嘅皮膚比較差，眼睛亦容易乾同有分泌物，所以需要未來主人花多啲心思同耐性照顧我，定時幫我清潔。

雖然我要多少少照顧，但如果你願意接納我，俾我一個永遠嘅家，我會用我全部嘅愛嚟報答你㗎～
有興趣領養我嘅話，歡迎前往中心向飼養員了解更多關於我嘅詳情，期待同你見面呀！🏡💕