泡泡係一個男仔，已絕育，性格友善親人，但係慢熱，佢最大嘅興趣就係食嘢同討摸。

泡泡嘅故事，有啲坎坷。

泡泡係被救返嚟嘅流浪貓，嗰時個肚生咗個巨型腫塊，檢查完先知係真菌感染引發嘅嚴重發炎。仲要，佢係貓愛滋（FIV）陽性，免疫力比普通貓貓差，好容易冷親、病痛多。

幸運嘅係經過治療同調理，佢而家嘅身體已經好好多，精神同胃口都返晒嚟。只要繼續定時食藥，注意保暖同溫柔照顧，佢可以同普通貓貓一樣，陪你過好多個快樂年頭✨