大家好，我叫洋洋，係一個女仔。我喺2010年出世，舊年7月加入咗阿棍屋呢個大家庭。
我最鍾意出去戶外玩，有得出去玩我就開心㗎啦～我仲好親人，成日會嗲人討摸摸，最鍾意黏喺人嘅腳邊，好似個小影子咁🥰
不過呢，我唔鍾意被困喺籠入面，困住我嘅話我會吠叫。另外，我嘅左眼睇唔到嘢，對突如其來嘅動作會容易感到害怕，如果動作太大或者太快，我可能會因為驚而作出攻擊行為。
雖然我有少少嘢要留意，但我內心好渴望有人愛我、陪我玩、摸吓我。如果你願意接納我呢個親人、嗲人又有啲小怕醜嘅女仔，俾我一個永遠嘅家，我會用我全部嘅愛嚟報答你㗎～
有興趣領養我嘅話，歡迎前往中心向飼養員了解更多關於我嘅詳情～期待同你見面呀！💕
大家好，我叫小黑。我鍾意出去花園曬太陽，超級為食，仲好渴望有人關愛我、摸吓我🥰
不過呢，我唔親狗，會同狗打交。我性格有少少固執，唔鍾意上繩，甚至會抗拒。另外，我眼睛有白內障，視力比較弱；肌能亦衰退緊，雙腿站立同行路都會乏力。
我知道自己需要一個非常有耐心、願意慢慢照顧我嘅主人。雖然我需要多啲愛心同時間，但我依然好渴望被愛、被摸摸。如果你願意接納我呢個為食、鍾意曬太陽、但有啲健康問題同小脾氣嘅老友記，俾我一個永遠嘅家，我會用我全部嘅愛嚟報答你㗎。
有興趣領養我嘅話，記得聯絡阿棍屋嘅訓練員了解多啲先啦～期待同你見面呀！💕
大家好，我叫黑芝麻。我係「浪舍事件」裏面倖存落嚟嘅狗狗。可能因為經歷過啲唔好嘅嘢，所以我嘅神經比較緊張，有時會忽然好驚，甚至會傷害到自己……😔
但其實我都有溫馴可愛嘅一面，我都好渴望被人愛錫㗎。我對信任同熟悉嘅人會好親近，最鍾意俾佢哋摸頭同摸臉頰🥰 不過，我唔輕易信人，對陌生人會好有戒心、好防備，亦都非常害怕陌生人，容易感到驚慌同壓力，當我太驚嘅時候，可能會作出攻擊行為。
另外，我有嚴重護食，對食物異常執著，護食嘅時候會咬人。所以餵食嘅時候請你小心，千祈唔好喺我面前收走個糧兜。陌生人亦千祈唔好亂摸我。
我知道自己嘅性格需要一位有好大好大耐心、願意花時間同我慢慢建立信任嘅主人。如果你願意接納我呢個受過傷害、神經緊張但內心渴望被愛嘅女仔，我會用我全部嘅信任嚟報答你。
有興趣領養我嘅話，歡迎前往中心向飼養員了解更多關於我嘅詳情～期待一個懂我、願意等我嘅你出現。🏡
大家好，我叫奀仔～我係一個乖巧溫馴、斯文怕醜嘅男仔。見到熟人嘅時候，我會開心到擺尾，慢慢走埋去聞吓你～我好鍾意出去戶外玩㗎🌞
不過呢，我嘅膽子非常細，性格好慢熱。我對身體上嘅觸碰會比較敏感，要同我熟絡咗之後先可以摸我㗎。另外，我非常害怕同抗拒上繩，亦都十分驚陌生人。所以，我需要一位非常有耐心嘅主人，花多點時間和耐心同我慢慢建立信任。
有興趣領養我嘅話，記得聯絡阿棍屋嘅訓練員了解多啲先啦！期待同你見面呀！🐶❤️
大家好，我叫柴柴～我係一個乖巧溫馴、動靜佳宜嘅男仔，好鍾意俾人摸㗎～我十分親人又親狗，仲好鍾意出去戶外跑跑跳跳🌞
我同豆釘、芝麻係好朋友，我哋成日一齊玩。不過呢，我對人同對狗都會有護食嘅行為。所以食飯嘅時候，最好俾我一個安靜嘅空間，唔好喺我食緊嘢嘅時候伸手埋嚟或者收走糧兜。
如果你願意接納我呢個乖巧、親人親狗又有少少護食習慣嘅男仔，俾我一個永遠嘅家，我會用我全部嘅愛嚟報答你㗎！
有興趣領養我嘅話，記得聯絡阿棍屋嘅訓練員了解多啲先啦～期待同你見面呀！🐶❤️
大家好，我叫腐皮～我乖巧斯文，最鍾意出去花園曬太陽，又好鍾意俾熟人摸頭仔🥰
不過呢，我嘅膽子比較細，性格慢熱，會驚陌生人。另外，我唔係好親狗，有時會隔住個籠吠狗，甚至同狗鬧交。
如果你願意接納我呢個慢熱、怕生嘅女仔，俾啲時間同心機等我慢慢適應，我會用我全部嘅愛嚟報答你㗎～有興趣領養我嘅話，記得聯絡阿棍屋嘅訓練員了解多啲先啦！🏡🐶💕
大家好，我叫啡妹～我係一個乖巧安靜、斯文內斂嘅女
大家好，我叫平安～我係一個超級溫馴、脾氣好、安靜
大家好，我叫朱古力🍫
我係一個乖巧嘅女仔，好親人，最鍾意俾熟人摸，仲有少少為食㗎～🥰
不過呢，我嘅膽子好細，非常害怕陌生人，所以需要一個願意慢慢同我建立信任嘅主人。另外，我唔鍾意同其他狗狗做朋友，見到其他狗狗嘅時候會好緊張，甚至會打交。
有興趣領養我嘅話，可以前往中心向飼養員了解更多關於我嘅詳情～期待同你見面呀！🏡🍫💕
大家好，我叫大隻仔～我係一個乖巧溫馴嘅男仔，非常親人，好鍾意同人玩，仲超嗲㗎！我最鍾意就係俾人摸背脊，你一摸我，我就會舒服到瞇晒眼🥰
我熱愛自由，唔係太鍾意被困喺籠入面。如果困住我，我有時會吠幾聲，因為我好想得到你嘅關注，想同你喺一齊多啲～
對陌生人嘅時候，我會有一啲慢熱，需要少少時間觀察同適應。
如果你願意接納我呢個熱愛自由、超嗲又鍾意被摸嘅大隻仔，俾我一個永遠嘅家，可以前往中心向飼養員了解更多關於我嘅詳情～期待同你見面呀！🏡🐾