大家好，我叫啡妹～我係一個乖巧安靜、斯文內斂嘅女仔。見到人嘅時候我會開心到搖尾，最鍾意俾人摸頭，有時仲會主動向人討摸摸㗎🥰

不過呢，我嘅膽子比較細，性格慢熱。對踏出籠嗰一步，我會感到有啲不安，但一出到去花園，我就會變得好開心，周圍聞吓聞吓探索世界🌿

我其實好想好似其他狗狗咁出街玩，但我非常害怕同抗拒上繩。一上繩我就會定格唔郁，覺得好驚慌……而家我仲喺度學習緊，希望未來嘅主人可以俾多啲耐性我，陪我慢慢克服呢個恐懼。

另外，我都好害怕沖涼同吹風機嘅聲音，每次都會好緊張。如果你願意接納我呢個容易驚慌，但其實好想愛人同被愛嘅女仔，俾我一個永遠嘅家，記得聯絡阿棍屋嘅訓練員了解多啲先啦～期待同你見面呀！🏡🐶💕