大家好，我叫阿威。我對自己熟悉同鍾意嘅人，係非常忠心又乖巧～我親人、好嗲，好鍾意俾信任嘅人摸摸，但呢份熱情只留俾我喜歡和信任嘅人。我同阿金係同胎兄弟，我哋感情好好，習慣都有啲相似。

我哋喺籠內嘅自我保護意識好強，地盤主意比較重，所以對陌生人唔係太友善。另外，我有嚴重護食嘅行為，護食嗰陣會咬人，所以餵食嘅時候請小心，唔好喺我面前收走個糧兜。陌生人亦唔好亂咁摸我，我有可能會因為緊張而作出攻擊行為。

我知道自己嘅性格需要一位有經驗、有耐性、願意理解我嘅主人。如果你願意接納我呢個對信任之人忠心、但對陌生人保持戒心嘅男仔，我會用我全部嘅忠誠嚟報答你㗎！