領養

大家好，我叫可可～係一個女仔嚟㗎👧
我性格友善，可以俾人摸，但唔鍾意被人抱著😆
我係從漁農署接收出嚟嘅貓貓，2023年出世。而家身體狀況穩定，冇出現咩問題，能跑跑跳跳🏃
如果你想了解更多關於我嘅詳情，歡迎前往中心同我見面呀🐱

大家好，我叫丁丁～係一個男仔嚟㗎！
我性格友善好動，十分乖巧，鍾意同人玩又會喵喵叫🐱
我原本係流浪貓，俾人執到之後交咗畀阿棍屋照顧。檢查發現我可能曾經有腹膜炎，不過而家身體穩定，精神好好🌞
如果你想了解更多關於我嘅詳情，歡迎前往中心同我見面呀～

大家好，我叫熊貓🐼我個鼻同眼睛周圍嘅花紋令到我有啲似熊貓，所以改咗呢個名
我性格緊張怕人，比較文靜寡言，不過我其實好為食㗎🤤
我係從東北發展接收過嚟嘅，戒備心比較強，需要多啲時間同心機慢慢建立信任。但只要你肯耐心對我，我都可以慢慢放鬆落嚟㗎！
如果你想了解更多關於我嘅詳情，歡迎前往中心同我見面呀💕

大家好，我叫花鼻～顧名思義，我嘅鼻頭有啲斑紋！
我性格文靜乖巧，不過比較內向，初初會怕怕哋，但只要俾啲時間我習慣，我都會慢慢放下戒心㗎🥺
我係阿棍屋接收救出嚟嘅貓貓，約莫2022年出世👶
如果你想了解更多關於我嘅詳情，歡迎前往中心同我見面呀💕

大家好，我叫Grandma👵
我性格乖巧文靜，鍾意俾人摸同抱抱，係一隻肥嘟嘟嘅老貓貓😊
我係漁農署接收出嚟嘅老貓，因為太過肥，所以盆骨有關節炎，同埋妹妹位置成日有尿漬，搞到皮膚敏感同發炎，加上陰唇有少少內翻，附近嘅毛會拮到黏膜，所以要定期剃乾淨附近嘅毛，同埋要幫我減肥，先可以改善呢啲問題
如果你想了解更多關於我嘅詳情，歡迎前往中心同我見面呀🐱

大家好，我叫單車🚴～係一個男仔嚟㗎！
我性格活潑調皮，鍾意喵喵叫同討摸，仲好為食添😆
我原本係喺單車徑上俾人發現救返嚟嘅，檢查發現我有啲神經問題，平衡力差少少，行路會搖搖晃晃，所以唔適合打針。不過醫生話呢個情況唔影響我日常生活，我行得食得，一樣好精神好開心㗎！
如果你想了解更多關於我嘅詳情，歡迎前往中心同我見面呀～

大家好，我叫Sunday～係一個男仔嚟㗎！
我性格友善親人，好鍾意同人互動😊
我係被人遺棄喺馬鞍崗中心門口嘅，好彩阿棍屋收留咗我。檢查發現我間中會咳同打乞嚏，腸胃都比較敏感，所以要食Biome處方糧，同埋千祈唔可以食其他零食，如果唔係好易肚仔唔舒服😔
如果你想了解更多關於我嘅詳情，歡迎前往中心同我見面呀🐱

大家好，我叫背背～係一個女仔嚟㗎！
我性格慢熱但活潑，初頭會怕怕哋，但熟咗之後都會鍾意玩😝
我係喺河背村俾村民執到嘅，救起嗰陣下巴有傷口，後來做咗手術切除左邊下顎骨，右邊做過清創，仲剝咗幾隻牙。
如果你想了解更多關於我嘅詳情，歡迎前往中心同我見面呀💕

大家好，我叫雪碧🥤我同可樂係兄弟姊妹嚟㗎，我哋都係2026年4月出世㗎！
我哋兩個都好好動貪玩，不過因為仲細個，啱啱打完針，仲有啲驚人，所以暫時唔好伸手摸我哋，最好隔住籠門靜靜睇吓我哋先🥺
如果你想了解更多關於我哋嘅詳情，歡迎前往中心同我哋見面呀💕

大家好，我叫胖妹～係一個女仔嚟㗎！