點點
大家好，我叫點點～我係一個超級親人又黏人嘅男仔，對人非常熱情，成日都會撲埋嚟搵你玩㗎！我熱愛自由，好鍾意出去戶外跑跑跳跳，仲好為食、樂天，最鍾意黏住人🥰
不過呢，我唔鍾意被困喺籠入面。如果困住我，我會喺籠入面吠叫、咬籠、撲跳，仲會變得好焦慮不安。另外，我會經常向著人撲跳，仲有分離焦慮，唔鍾意同人分開，一分隔開就會感到焦慮同不安。
所以我需要一位願意俾我多啲自由、盡量唔好用籠困住我嘅主人。同時，也需要未來主人能有耐心教我慢慢適應獨處，或者可以長時間陪伴我、帶我周圍去。
如果你願意接納我呢個熱情、黏人又有啲小缺點嘅男仔，俾我一個永遠嘅家，我會用我全部嘅愛嚟報答你㗎！
有興趣領養我嘅話，記得聯絡阿棍屋嘅訓練員了解多啲先啦～期待同你見面呀！❤️
