大家好，我叫車仔，我喺2015年4月出世，今年已經11歲啦！
我係一個為食仔，見到好嘢食就會雙眼發光㗎～我又好親人，最鍾意同人玩，尤其係俾人摸背脊🥰我仲好聰明㗎，學嘢快，識聽基本指令，只要你肯教我，我會好快上手！
不過呢，有幾樣嘢我要老實同大家講清楚：
第一，我唔太鍾意同其他狗狗做朋友，有時見到其他狗會鬧交。
第二，我對食物有啲執著，會有護食嘅行為。如果喺我食緊嘢嘅時候伸手埋嚟或者收走個糧兜，我可能會因為太緊張而咬人。所以餵食嘅時候要小心啲，唔好喺我面前收走個兜，等我安心食完就得啦。
我知道呢兩樣嘢需要一個有經驗、有耐心嘅主人去包容同引導我。希望未來嘅主人願意接納我呢個為食、聰明、鍾意俾人摸嘅老友記～🐶💛