大家好，我叫波波，係一個女仔。我好親狗，對狗狗好友善，見到狗狗會開心到搖尾～見到熟悉同鍾意嘅人，我都會開心搖尾，但係呢，我十分害怕陌生人，見到陌生人會退縮，需要時間慢慢觀察同適應。我嘅彈跳力超強！我可以跳上木板，甚至輕輕一跳就越過圍欄。所以開門嘅時候要特別小心，唔好俾我有機會跳走咗呀～

我知道自己需要一位非常有耐心、願意花時間同我慢慢建立信任嘅主人。雖然我驚人，但其實我都好渴望被愛㗎。如果你願意慢慢打開我嘅心扉，我會用我全部嘅愛嚟報答你～

有興趣領養我嘅話，記得聯絡阿棍屋嘅訓練員了解多啲先啦！期待同你見面呀！🐶